Korrikaren urtea izan behar zuen 2021ak, baina Covid 19a dela eta, beste hainbat ekitaldi bezala bertan behera utzi behar izan da aurtengo edizioa. Dena den, AEK-k egitasmo desberdinak antolatu ditu euskalduntze-mugimenduaren garrantzia plazaratzeko asmoz.

Martxoaren 28an Etxeberri plazan

Hala, “Bultza euskaltegiak!-Bultza euskara!” lelopean martxoaren 28an eguerdiko 12:00etan Etxeberri plazan ospatuko den ekitaldian parte hartzera animatzen ditu herritarrak Urnietako AEK-k.

Ekitaldiaren barruan ekimen desberdinak gauzatuko dira: bertsolaritza, grafiti margoketa, kantua, mezu irakurketa eta talde argazkia, besteak beste.