Euskaraldiaren aurtengo edizioak badakar berrikuntza bat lehen edizioarekin alderatuta, Ariguneena, hain zuzen ere. Ariguneek, edo euskaraz aritzeko guneek, euskaraz hitz egiteko aukera bermatuko dute une oro, izan entitate barruan edo izan entitateak herritarrekin duen harremanean. Mota guztietako enpresa, elkarte eta erakundeek parte harturko dute Arigune moduan.

Talde horietako kideek ahobizi eta belarriprest modura jardungo dute Euskaraldiak iraungo duen 15 egunetan, baina ariketa modu kolektiboan gauzatuko dute ariguneetan.