Urnietako Udalak ez-ohiko osoko bilkura ospatuko du ostegun honetan, martxoaren 4ean, 19:00etan.

Udalbatzarra Udalaren Youtube kanalaren bidez zuzenean jarraitzeko aukera izango da. Bestalde, herritarren batek zuzenean ikustera joan nahi badu aukera izango du, baina Covid 19aren ondorioz bizi dugun egoera dela eta, edukiera mugatua izango da.

Ondorengoa izango da eguneko gai-zerrenda:

1. Lanpostuen zerrendaren aldaketa onartzea.
2. Langarda Informazio Batzorde Berezia eratzea.
3. Desgaitasun egoera onartua duten adingabeen senideentzat diru laguntzak emateko araudiaren aldaketa hasierazko izaeraz onartzea.
4. Udal Talde Sozialistako ordezkari gisa Herritargoko informazio batzordean parte hartu behar duten udalkideen aldaketaren berri ematea.
5. 2021/54 Alkatetza Dekretuaren berri ematea – Covid 19aren aurkako neurriak.
6. Martxoaren 8ari (Emakumeen Nazioarteko Eguna) buruzko erakunde adierazpen proposamena.