Urnietako 14 eguneko tasak 100.000 biztanleko beherakada nabarmena izan du azken astean. Azaroaren 2an tasa hori 2988,69koa zen, eta gaur, 7 egun geroago, 1873,99koa da. Kontuan hartuta eremu gorria 500etik gorakoa dela, egoera oraindik oso kezkagarria da. Testuinguru horretan, Jorge Segurado alkateak adierazi du, bilakaera positiboa garatzen ari garen arren, ezin garela lasaitu eta zuhurtziaz eta erantzukizunez jokatzen jarraitu behar dugula joera horri jarraipena emateko.

Urnietako Udalak hainbat neurri hartu zituen duela hiru aste Covid 19ren hedapena eteten saiatzeko. Neurri horien artean jende-pilaketak saihesteko espazio publikoak ixtea eta parkeak erabiltzeko ordutegia murriztea nabarmentzen ziren. Emaitzak espero baino apur bat gehiago iritsi dira, joan den astean kutsatzeek goranzko joera baitzuten herrian, baina badirudi pixkanaka emaitzak ematen ari direla harturiko neurriak. Udalaren neurriei, Eusko Jaurlaritzarenak gehitu zitzaizkien, eta horiek ere eragin zuzena izan dute joera-aldaketan.

Seguradok baikortasun mezu bat bidali nahi izan du amaitzeko, jarraitu beharreko bidea hori dela eta komunitatean eta denok batera lan eginez egoera bideratzea lortuko dugula adierazi du.