Sarobeko areto nagusia pintatu da eremuaren estetika nabarmen berrituz eta hobetuz.

Bestalde, zentroaren argiztapen-ekipamendua hobetzea aurreikusi da, LED teknologiako 12 foku berri instalatuz. Horrela, kontsumoa nabarmen gutxituko da. Gainera, foku bakoitzak koloreen gama guztiak barneratuta izango ditu, eta, beraz, errazagoa izango da une bakoitzerako behar den argiztapena lortzea. Izan ere, egungo fokuekin, aldi berean argi gehiago erabili behar dira emaitza berak lortzeko, eta horrek kontsumoan ere eragingo du.