2003.urtean sortu zen Poxta Zahar Urnietako gazte kuadrillen elkartea. Orduz geroztik ekintza mordoa antolatu ditu herriko gazteentzat. Orain, elkarteak 20 urte bete dituenean, bere urteurrena ospatzeko ekintza desberdinez osaturiko programa antolatu du larunbat honetarako (apirilak 22). Besteak beste, herri Kirolak, poteoa, herri bazkaria eta kontzertuak izango dira. Ospakizunari amaiera emango zaio San Juan plazan izango diren eta 2:30ean amaituko diren musika kontzertuekin.