Babilonia ingurua urbanizatzeko lanak joan den astean hasi ziren, baina gaur iritsi dira makinak lur-mugimenduak hasteko. Babilonia eremuko sarbideak eta zerbitzuak egokituko dira ondoren Egape ikastolako DBH eraikina eraiki ahal izateko.

Urnietako Udalak proiektu estrategiko horrekiko konpromisoa berretsi berri du, aho batez onartu baitzuen Egapeko DBHko eraikina eraikitzeko erabiliko diren lursailak Eusko Jaurlaritzari lagatzeko konpromisoa, abenduaren 16an egindako udalbatzarrean. Hezkuntza saila berriz, ikastetxearen proiektua idazten ari da.

Beraz, Egapeko DBH eraikina errealitate bihurtzeko prozesuak norabide onean aurrera egiten jarraitzen du.