Gipuzkoako erretiratuen elkarteek "Aguijupens" ibilaldi-topaketa egiten dute urtero lurraldeko elkarteetan. Aurten martxa hori Urnietan egingo da, urriaren 7an, eta 750 pertsona inguruk parte hartzea espero da.

Udalak Denda Berri elkartearekin elkarlanean jardungo du ekitaldi horren prestaketan, eta, horretarako, bi erakundeek sinatuta duten hitzarmena aldatu da, puntu hori gehitzen duen eranskin bat sartzeko hirugarren adineko arduradun politiko Consuelo Frutosek azaldu duen bezala.

Udalak 8.500 euroko dirulaguntza emango dio elkarteari erretiratuen ibilaldi-topaketako jarduerak gauzatzeko eta horietatik 6.000 euro GFAko gizarte-politiketako departamentuak jarriko ditu.

Hitzarmena sinatzeko ekitaldian izan dira Urnietako alkate Jorge Segurado, Consuelo Frutos arloko arduradun politikoa eta Denda Berri elkarteko presidente Mikel Alberdi.