“Elkarrekin teilatuak energia bilakatzen” lelopean abian da herritarrak Urnietako Energia Komunitatera batzeko kanpaina. Herriko etxeetara informazio liburuxkak banatu eta gero eta urnietarrei irekitako aurkezpen publikoa egon ostean, orain, informazio bulego bat ireki da udal kiroldegian. Bertan urnietarrek proiektuaren gaineko edozein zalantza argitzeko aukera izango dute. Bestalde, zailtasunen bat duten pertsonei komunitatera batzeko eskaera osatzen lagunduko zaie.

Ordutegia

Bulegoa otsailaren 23ra arte egongo da zabalik asteartetik ostegunera eta bere ordutegia ondorengoa izango da: 10:00-14:00 eta 16:00-20:00.