Gaixotasun Arraroen Munduko Eguna da gaur. Gaixotasun arraroak biztanleriaren zati txiki bati eragiten dioten patologiak edo nahasmenduak dira, eta, oro har, osagai genetikoa dute. Egun honen bidez, gaixotasun horien gaineko kontzientzia sortu nahi da, jasaten dituzten pertsonak ikustarazteko. Aldi berean, pertsona horiei guztiei behar duten diagnostikoa eta tratamendua jaso dezaten lagundu nahi zaie, epe luzera bizimodu hobea izan dezaten.

GNAO01

Gaixotasun arraro horietako bat GNAO01 da. Gaixotasuna duten pertsonen alde lan egiten duen elkarteak bideo bat prestatu du gaixotasuna ezagutarazteko. Bideoan GNAO01 genea zer den, gene horrek ondo ez funtzionatzeak zer ondorio dituen, gaixotasuna diagnostikatzeko zer proba egin behar diren eta asoziazioaren helburua zein den azaltzen da. Gaixotasuna pairatzen duten haurrak ere aurkezten dira, horien artean Markel Carmona Lesaka urnietarra.