Urnietan euskara indartzeko eta bere erabilera normalizatzeko helburuz euskararen aholku batzordea sortzeko bideak aurrera jarraitzen du. Irailaren 16an egin zen lehen bilera eta bertan jarraitu nahi den dinamikaren gaineko azalpenak eman ziren. Euskararen aholku batzordearen barruan elkarrekin lan egingo duten hiru mahai desberdin eratzea da asmoa: mahai orokorra, gazteen mahaia eta hezkuntza mahaia.

Bigarren bilera abenduaren 2an

Bigarren bilera bihar egingo da arratsaldeko 19:00etan Lekaio kultur etxean eta ondorengo gaiak aztertuko dira:

• Hezkuntzako mahaiaren bileraren berri ematea.
• Euskara sustatzeko/normalizatzeko programen berri ematea.
• 2022ko Euskaraldia.

Bilera irekia izango da, interesa duen edonori zuzendua, bai lehen bileran parte hartu zutenei eta baita parte hartu ez zuten pertsonei ere.
Euskararen alde lan egiteko borondatea duten herritarrei bilerara joateko gonbita luzatzen zaie.