Urnietako establezimenduetan kontsumoa sustatzeko helburuz eta erosketak herrian gauzatzen dituzten pertsonak saritzeko asmoz, opariak banatuko dituzte On Bizi merkatarien elkarteko kide diren establezimenduek.

Ekainaren 23tik aurrera

Kanpaina ekainaren 23an abiatuko da eta parte hartzen duten establezimenduek globo more bat ipiniko dute On Biziren bereizgarriarekin.

Egun horretatik aurrera urontziak, poltsak eta amantalak banatuko dituzte kanpainan parte hartzen duten establezimenduek haien bezeroen artean.

On Biziko kideek aukera aprobetxatzera eta erosketak herrian egitera animatzen dituzte urnietarrak.