Urnietako Udalak azaroaren 4an ospaturiko udalbatzarrean Añarberekin egindako lankidetza-hitzarmenaren II. eranskina aho batez onartu ostean, Jorge Segurado alkateak eranskin hori sinatu du Jaime Dominguez Macaya Añarbeko presidentearekin. 

Hitzarmenaren xedea zen mankomunitateari transferitzea goi-hornidurako tokiko sistemak, eta, trukean, Urnietako Ergoien industrialdeko saneamendu-obrak egitea eta hornidura-sarea eguneratzea. Horrela, beste urrats bat eman da Urnietako herritarren ia %100-ak Añarbek trataturiko ura bere etxeetan izan dezaten.
Aurreko urtean amaituriko Ergoien industrialdeko saneamendu-obrei esker, Lekun errekara egiten ziren hondakin-uren isurketak ezabatu dira, eta orain, Loiolako araztegira bideratzen dira, bertan araztu eta ondoren itsasora isurtzeko. Hala, errekaren ingurumen-kalitatea hobetu da.
Eta tokiko hornidura-sistemak altan transferitzearekin, udal hornidura-sarea ia osotasunean (%99) Añarbe-sarearen barruan jasota geratuko da eta Urnietako biztanleek euren etxeetan ezaugarri berdineko edateko ura kontsumituko dute.
Gainera, akordioaren parte den hornikuntza-sarea berritzeak Añarbeko Urak etorkizuneko garapenak erraztuko dituen ponpaketa-estazio bat eraikitzea aurreikusten du.