Zilegi Eskolak herriko euskaldunak eta euskara ikasten ari direnak elkarrekin batzen dituen saioak antolatzen ditu. Saio horietan denetariko gaiak lantzen dira eta oraingoan, “Mugimenduaren jolasa” izango da garatuko dena Judit Aldai fisoterapeuta urnietarraren eskutik. Mugimendua eta jolasa ardatz, gorputza ezagutuko da, joerak, eta jolasean arituko dira.

• Eguna: azaroak 27
• Ordua: 10:00
• Lekua: Kiroldegian
• Hizkuntza: euskara
• Sarrera: doan, izen ematearekin

Izen-ematea

Izena emateko ondorengo telefono zenbakira edo helbide elektronikora deitu edo idatzi beharko da.

• 662338747
• zilegieskola@aek.eus

Txosnen ordenantza berria
Azken San Migel jaietako txosnen ordenantzaren inguruan sortutako desadostasunen ondoren, eta inplikatutako erakunde gehienentzat ahalik eta onena izango den akordio batera iristeko asmoz, udalak bitartekotzetan aditua den enpresa baten laguntza izatea erabaki du. Funtzionamenduaren planteamendua joan den asteazkenean, azaroaren 19an, aurkeztu zen jai batzordean.
Aukeratutako enpresa Gizagune fundazioa da, eta prozesu parte-hartzaile bat egingo du guztien ekarpenak, iritziak eta ikuspuntuak jasotzeko eta, horretan oinarrituta, akordio bat lortzeko. Jasotako ekarpenetan oinarrituta, urrats hauek zehaztuko dira:
Erabaki hori iritzi desberdinekin hartu zuten jai batzordera bertaratu zirenek, eta batzuk ez zeuden ados. Udalak herriko elkarteak prozesuan parte hartzera animatu ditu, herritarren onerako izango den adostasuna lortzen saiatzeko.