Urnietako Gaztelekuan dena prest dago ikasturte berriari hasiera emateko. Irailaren 10ean irekiko ditu ateak eta egun horretatik aurrera zerbitzuaz gozatzeko aukera izango dute 2010-2014 urte bitarteetan jaioateko nerabeek.

Iraileko banaketa

Iraileko asistentziari dagokionean, ondorengo banaketa egin da:

• Astelehen eta astearteetan LH 6. mailako ikasleak 17:00etatik 19:30era sartu ahal izango dira.
• Asteazken, ostegun eta ostiraletan 17:00etatik 20:00etara DBH 1., 2. eta 3. mailako ikasleak sartu ahal izango dira.

LHko 6. mailako ikasleak irailaren 16tik aurrera

LHko 6ko ikasleak lehendabizikoz irailaren 16an, asteartean, joan ahalko dira, 17:00etatik 19:00etara. Familiek eta tutoreek ere Gaztelekua bisitatu ahal izango dute egun horretan arratsaldeko 19:00etatik 20:00etara.

Lehen aldiz izena ematen duten nerabeen kasuan, amarekin, aitarekin edo legezko tutorearekin joan beharko dute, eta horiek izena emateko orria bete beharko dute Gaztelekuan bertan.

Edozein zalantza partekatzeko hezkuntza-taldearekin harremanetan jartzeko aukera eskaintzen da.

• Helbide elektronikoa: gazteleku@urnieta.eus
• Telefonoa: 608928311 – 943333972