Zuhaitz Eguna ospatu da gaur Urnietan, eta Egape ikastolako eta Magale ikastetxeko lehen hezkuntzako bosgarren mailako 60 ikasle inguruk magnoliak eta gorostiak landatu dituzte Etxeberri kalearen hasieran, herriaren sarreran dagoen biribilgunearen ondoan. 

Ekimen honen bidez, herriko nerabeei zuhaitzen azalera mantentzearen eta handitzearen garrantzia irakatsi nahi zaie, natura babestuz eta kontserbatuz.