Urnietarrek erabaki dute zein hobekuntza egitea nahi duten aurrekontu irekien parte hartze prozesuaren barruan.

Proposamenen fasea amaitu ostean eta hirigintzako teknikariek 10 proiektu lehenetsi eta gero, herritarrek izan dute azken hitza bozketa fasean. 262 galdetegi jaso ziren urriak 14-27 bitartean eta horietatik 258 eman ziren ontzat. Bozkak zenbatuta, zerrendan ikus daiteke zenbat puntu jaso zituen proiektu bakoitzak.

Lehen hiru proposamen bozkatuenak izango dira 2025.urtean gauzatuko direnak: Etxeberri plaza 2 (osasun zentroa, eguneko zentroa) hobetzea, Etxeberritik Ierdi plazarako bidea argiztatzea eta Etxeberri plazan kirol gune bat jartzea, hain zuzen. 135.000 euro erabiliko dira horretarako. Prozesura bideraturiko gainerako 15.000 euroak LH6-ko ikasleekin gauzatuko den lanketarako izango dira.