Udalerriko zaintza-ekosistema berria diseinatzeko garatzen ari den prozesuak aurrera egiten jarraitzen du, eta fase berri batean sartzen ari da. Orain, hainbat tokitan egindako esperientzia inspiratzaileak aurkeztuko dira, haien funtzionamendua ezagutzeko, eta baita haien garapenari esker lortu dituzten emaitzak ezagutzeko ere.

Usurbilgo zaintza ekosistema: Udalerria zaintza eredu berri bat ezartzeko egiten ari den bidea azalduko da. Prozesu horren helburua, besteak beste, zaintzak gizarteratzea eta kolektibizatzea da.

Euskadi Lagunkoia: Eusko Jaurlaritzak sustatutako eta Matia Institutuak abian jarritako ekimena da. Helburu nagusia adinekoen eta, oro har, herritarren parte hartzea sustatzea da, Euskadiko udalerrietako auzoak eta inguruneak hobetzeko.

Auzosare: Bakardade eta bazterkeria egoerak hautemateko programa. Baita zainketa-sare publiko eta komunitario bat aktibatzeko ere. Gipuzkoako hainbat udalerritan egiten ari diren esperientziak partekatuko dira.

Xoxoka auzoa (Urnieta): auzoan egindako antolaketa esperientzia partekatuko da, garai batean seme-alaba adingabeak zituzten familia batzuek zituzten behar zehatzei erantzuteko gauzatu zena.

Urriak 30

Aurkezpena urriaren 30ean izango da, 18:00etan, Lekaio kultur etxeko areto nagusian.

Orain arte, prozesuak urnietarren interesa piztu du, bai zuzeneko parte-hartzearen unean, bai egindako aurkezpenetan, non herritar dezenteren presentziarekin kontatu zen.

Udalak beste behin ere gonbidatzen ditu herritarrak hitzordu honetara joatera, interesgarria izango baita zainketen arloan sakontzen jarraitzeko.