Aurrekontu irekien parte hartze prozesua azken fasean murgilduta dago, bozketa fasean, alegia.  Urnietarrek prozesura bideraturiko 150.000 euroekin zein hobekuntza egitea nahi duten erabaki behar dute. Udal teknikariek herritarrek lehen fasean egindako proposamenetatik 10 lehenetsi dituzte eta horien artean 3 hautatu behar dira orain. Gero, bozka gehien jasotzen dituzten proiektuak gauzatuko dira prozesura bideraturiko aurrekontua bete arte.

Urnietan erroldaturiko 16 urtetik gorako pertsonek dute parte hartzeko aukera urriak 27 bitarte. Horretarako hainbat bide eskaintzen dira: kutxak, postontziak, webgunea eta APP-a. 

Informazio karpa

Bestalde, urriaren 25ean informazio karpa bat ipiniko da zalantzak izanez gero argitzeko. Bertan, bozkatzeko aukera ere eskainiko da.

• Etxeberri plaza: 10:00-14:30
• San Joan plaza: 17:00-20:00