Egape ikastolako DBHko eraikin berria eraikitzeko lanen hasiera gero eta gertuago dago, izan ere, azken hilabeteetan urrats garrantzitsuak eman baitira horretarako.

Joan den ekainaren 18an, Eusko Jaurlaritzaren Gobernu Kontseiluak 12,6 milioi euroko aurrekontua onartu zuen proiektua aurrera eramateko, eta orain, lehiaketa publikoaren garapena gaitzen duten obraren pleguak argitaratu dira, ondoren esleitzeko. Dena aurreikusitakoaren arabera igaroz gero, obrak sei hilabete barru has litezke, eta hori albiste bikaina da.

Instalazio modernoak

Eraikin berria haur eta lehen hezkuntzako ikastetxearen ondoan eraikiko da, eta proiektuaren barruan gimnasio bat eta kanpoko kirol-kantxa estali bat ere eraikiko dira.