Gobernu-taldearen helburuen artean dago udalerri berdeago eta eraginkorrago bat izateko bidean aurrera egitea, eta, hala, argiteria publikoa LED sistemara aldatzea erabaki zen. Horri esker, energia-kontsumoa %70 murrituko da, gutxi gorabehera.

Behin zerbitzua esleituta, argiak aldatzeko lanak joan den hilean hasi ziren Langarda auzoan, eta aste honetan enpresa esleipenduna San Juan plazan lanean ikus daiteke. Lanek datozen hilabeteetan jarraituko dute, hedapena amaitu arte.

Kontratuaren arduraduna UTE Urnietako Argiteri Efizienteari da, eta, bere eginkizunen artean, gure kaleetako argiteria mantentzea ere aurreikusten da datozen hamar urteetan. Garrantzi handiko kontratua da, milioi bat eurotik gorako esleipena baitu, eta Udalak gure ingurumenarekiko duen konpromisoa egiaztatzen du.