Joan den ekainaren 1ean jarri zen indarrean udal kiroldegia kudeatzeko kontratu berria, 2023an langileen eta enpresaren artean hitzartutako lan-hobekuntzak barne hartzen dituena.

Udalari eta kudeaketa-kontratu berriaren eraginari dagokionez, adierazi behar da kiroldegiko kudeaketa-zerbitzuaren urteko aurrekontua 438.799 eurotik 587.247 eurora igo dela. Hau da, zerbitzua %34 garestitu da.

Garbiketa-kontratuak ere gora egin du aurreko kontratuarekin alderatuta. Kasu horretan, igoera %4koa izan da, 128.830 eurotik 133.595 eurora pasata.

Horrekin guztiarekin, udalak kiroldegian ematen duen zerbitzuak, kontratazioak, mantenimendua eta abar barne, 1.304.655 euroko kostua du urtean, eta, aldiz, abonu, ikastaro, alokairu eta abarrengatiko diru-sarreretatik 260.000 euro jasotzen dira.