Albisteak

Gaur hasi den Euskaraldian 720 urnietarrek eman dute izena momentuz

Gaur eman zaio hasiera euskara ulertzen duten hiztunen arteko hizkuntza ohiturak aldatzea helburu duen Euskaraldiari. Momentuz 720 urnietarrek eman dute izena bigarren edizio honetan “Ahobizi” edo “Belarriprest” moduan parte hartzeko, baina oraindik ere badago izena emateko aukera. Izan ere, ekimenak abenduaren 4ra bitarte iraungo du eta izena emateko epea azaroaren 24 arte luzatu da.

Izena eman eta txapak eskuratu

Beraz, oraindik animatu ez den norbaitek interesa izango balu Euskaraldiaren web orrian gauzatu dezake izen-ematea: www.euskaraldia.eus. Horretaz gain, izen ematea aurrez aurre egiteko aukera eskainiko da Lekaio kultur etxean azken egun hauetan ere. Online izena eman dutenek ere txapa bertan jasotzeko aukera izango dute. Ondorengoak izango dira ordutegiak.

  • Azaroak 20: 16:00-19:30
  • Azaroak 23: 10:00-14:00
  • Azaroak 24: 16:00-19:30

Euskaraldia bistaratzeko banderatxoak

Bestalde, edizio honetan, herritarrak etxeetako leiho eta balkoietan banderatxoak jarrita Euskaraldia bistaratzera animatzen dira. Banderatxo horiek ere Lekaio kultur etxean erosi ahal izango dira 5 eurotan.

Zalantzak

Edozein zalantza izanez gero Euskaraldiaren Urnietako dinamizatzailearekin harremanetan jartzeko aukera dago.

  • Helbide elektronikoa: euskaraldia.urnieta@gmail.com
  • Telefono mugikorra: 688826530
Partekatu albiste hau: Facebook Twitter Google Plus Email

Webgune honek cookie-ak erabiltzen ditu zure nabigazioa errazteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika
Cookie Politika